2015 жылы 25 қыркүйекте сағат 14.00-де «Екібастұз политехникалық колледжі» базасында Екібастұз қаласының жұмысшы жастары мен студенттері арасында «Мамандық бойынша үздік» кәсіптік конкурсы болды. Конкурсты ұйымдастырушы «Жастар бастамашылығын дамыту орталығы» және «NOMAD» ЖШС болды.
Конкурстың міндеттері: Қала кәсіпорындары мен оқу орындары арасындағы үздік студенттер мен мамандарды анықтау. Студенттер мен мамандардың іскерлік белсенділіктері мен бастамашылықтарын реттеу, мамандықтарына деген шығармашылық қарым-қатынастарын қалыптастыру.
Конкурсқа «Қ.Пішенбаев атындағы Екібастұз тау-кен-техникалық колледжі», «Электровоз машинисінің көмекшісі» мамандығы бойынша 3 курс студенті Байдәулетов Марғұлан Манатович қатысты.
Марғұлан колледжішілік конкурстардың бірнеше дүркін жеңімпазы, оқу орнының студенттік, мәдени және спорт, қоғамдық жұмыстармен байланысты түрлі іс-шаралардың қатысушысы. Конкурсқа барлығы сегіз үміткер қатысты. Үш қатысушы Екібастұз қаласы колледждерінің студенттері мен «Богатырь-Көмір» ЖШС, «Екібастұз ГРЭС -2 станциясы» және т.б. қаланың жұмысшы жастарынан бес қатысушы қатысты. Конкурстың бірінші туры – бұл өзін-өзі презентациялау. Онда Марғұлан әділ қазылар мен жанкүйерлерге «Электровоз машинисінің көмекшісі» өз мамандығының теориялық блогын айтып өтті және «Береке -2004» ЖШС кәсіпорнында оның кәсіптік практикасының негіздеріне қорытынды жасады, сонымен бірге Қазақстан Республикасының Депосы мен темір жолдарында «Жылжымалы құрамның» болашақтағы дамуы туралы айтты. Конкурстың екінші туры- бұл Тау-кен-техниалық колледжінің студенті Байдәулетов Марғұланның портфолиосының эстетикалық ресімделуі. Бұл арнайы папкада Марғұланның өзінің негізгі қызметі, сүйікті айналысатын ісі, жеке және іскерлік қасиеттері, жұмыс кезіндегі, отбасылық кездесу, шығармашылық және спорт жетістіктерінің суреттері, пікірлері мен басылымдары бар.
Конкурстың қорытындысы бойынша «Қ.Пішенбаев атындағы Екібастұз тау-кен-техникалық колледжі» КМҚК-ның 3 курс студенті Байдәулетов Марғұлан «Мамандық бойынша үздік» конкурсында «Жақсы теориялық білімі үшін» номинациясымен марапатталды. Байдәулетов Марғұланды конкурсқа дайындаған: Өндірістік оқыту шебері Бейсебаева Айгуль Мухтаровна. Жылжымалы құрамның арнайы технологы Скворцов Владимир Ильич.
Колледждің инженерлік-педагогикалық ұжымы Марғұланды шын жүректен жеңісімен құттықтаймыз! Келешекте оған шығармашылық табыстар тілейміз.
