2016 жылдың  09 ақпан күні Екібастұз қалалық мәдени «Өнер» орталығында  қазақтың ақиық ақыны Мұқағали Мақатаевтың  85 жас мерей тойына арналған мерекелік «Мұқағали-мәңгілік жыр» атты  Мұқағали оқулары өткізілді. Бұл іс-шара сайыс түрінде өткізілді. Сайысқа Екібастұз қаласы оқу орындарының студенттері қатысты. Қ. Пішенбаев атындағы Екібастұз тау-кен техникалық колледжінің атынан 1 курс студенті Алишев Қуаныш, 2 курс студенті Тілеген Мейрамбек және 3 курс студенті Жетбесбаева Ания қатысты.  Сайысқа қатысушы 25 талапкер арасынан  суырылып, 1 орынға ие болған  Тілеген Мейрамбектің өнеріне бүкіл көрермен  тәнті болып, Мұқағали әлеміне жол тартқандай болды. Сондай –ақ әділ  қазылар алқасы   Жетбесбаева Ания мен Алишев Қуаныштың өлең оқу шеберлігін, дауысының көркемдігін  айрықша атап өтіп, алғыс  хаттармен марапаттады.

 Студенттерді сайысқа дайындағандар қазақ тілі мен әдебиеті пәнінің оқытушылары жас маман Жақыбай Әлия Мейрамқызы мен  Махметова  Сандуғаш Темірболатқызы. 

Қайталанбас құбылыстай  жарқ етіп өте шыққан  найзағай ақын Мұқағали  Мақатаевтың еліміздің болашағы жас ұрпаққа қалдырған жыр мұрасы телең-теңіз.  

Қарасаз, қара шалғын өлеңде өстім,

Қырға шығып ырысқа кенелмеспін…

Өлсе өлер Мұқағали Мақатаев,

Өлтіре алмас алайда өлеңді ешкім!