2016 жылғы ақпанның 08-нен 12-не дейін «Қ.Пішенбаев атындағы Екібастұз тау-кен-техникалық колледжі» КМҚК-да «Металл өңдеу және дәнекерлеу» ЦӘК апталығы өтті. Апталық «Дәнекерлеу ісі» мамандығы бойынша №12 топтың өндірістік оқыту шебері Г.П.Абетова мен «Токарь» мамандығы бойынша №11 топ студенті Социал Нұржанның сөз сөйлеген жалпы колледждік ақпараттық линейкасынан басталды.Олар апталықтың толық жоспарымен таныстырды және «Токарь», «Электр газымен дәнекерлеуші» мамандықтарының мәні туралы әңгімеледі.
2016 жылғы 09 ақпанда өндірістік оқыту шеберлері Г.П.Абетова және Б.Ж.Жабикеновамен бірінші курс топтарының арасында «Менің колледжім» атты марафон өткізілді. Марафон барысында колледж дамуының тарихы жөнінде түрлі сауалдар қойылды. Барлық топтар белсенділік танытты. Марафонның көшбасшысы «Дәнекерлеу ісі» мамандығы бойынша №12 топ студенті Алшинбаев Равиль болды. Барлық қатысушылар жүлделермен марапатталды. Басты жүлде –бұл олардың болашақтағы оқуларын жалғастыратын туған колледжінің тарихымен танысу.
2016 жылы 10 ақпанда 3курстың технологиялық практикасы бойынша өндірістік оқыту шеберлері Ж.Н.Жакупова мен Ж.Ж.Еламанова есеп берді. Студенттер өздерінің есептерін технологиялық практикадан өткен кәсіпорынның тарихынан бастады, олар цехта, учаскелерде қандай жұмыстар атқарғандарын әңгімеледі. Тәлімгерлердің арқасында бұл жұмыстарды өз бетінше орындауды үйренді. Бірінші курстың студенттері өздерін қызықтыратын сауалдарды қойды.
2016 жылы 11 ақпанда өндірістік оқыту шеберлері Б.Ж.Жабикенова және Ж.Ж.Еламановамен «Бос орындар жәрмеңкесі» ұйымдастырылып, РГТО зауытынан қамқоршылар Н.А.Домбровский, Г.М.Садралин шақырылды. «Бос орындар жәрмеңкесі» конкурс түрінде өтті. №95,№96,№97,№98 топтардың студенттері қатысты. 3курстың студенттері өздерін жұмысқа шақыру үшін презентацияларын көрсету керек болатын. Жәрмеңке барысында түйіндеме толтырылды, әңгімелесу кезінде туындайтын қателермен жұмыс жүргізілді, бейнематериалдар көрсетілді. Конкурс соңында қамқоршыларға сөз берілді. Олар өздерінің пікірлерін білдіріп, осындай іс-шараны ұйымдастырғандары үшін алғыстарын білдірді.
2016 жылы 12 ақпанда өндірістік оқыту шеберлері Р.С.Сергазина мен А.А.Жұмабеков металлистердің шығармашылық кешін өткізді. Токарлар мен дәнекерлеушілердің барлық топтары қатысты. Өте көп музыкалық әндер, билер болды, сонымен бірге балалар «Шығыс» кеніші туралы өлеңдер оқыды, әзіл-сықақ миниатюраларын көрсетті. Сондай-ақ көрермендер де белсене қатысып мамандық және еңбек туралы мақал-мәтелдер мен жұмбақтар шешті.