2016 жылы 15 наурызда Баянауыл ауданы мектептерінің болашақ түлектерімен кездесу өтті. Кездесудің мақсаты болашақ  талапкерлерді техникалық мамандықтар бойынша колледжге түсуге қатыстыру болды. Түлектердің  алдында Қ.Пішенбаев атындағы ЕТТК басшысы К.Ш.Шайхсламов пен «Токарь» мамандығы бойынша №11 топтың өндірістік оқыту шебері Сергазина Р.С. сөз сөйледі. Болашақ студенттерге колледждің түрлі өмірі, жетістіктері, алдағы уақыттағы жоспарлары жайында нақты және қызықты айтылатын оқу орнының презентациясы көрсетілді.

Презентациядан кейін кәсіби бағдар беру  тобының  мүшелері оқушылардың көптеген сауалдарына анықтап жауап берді. Сонымен бірге оқушылардың кәсіби қызығушылықтарын айқындау мақсатында сауалнама өткізілді.

Әрбір талапкер колледжге қабылдау шарттарымен, мамандықтардың тізбесі бар оқу орны туралы боямалы буклет алды.

         Алдағы оқу орнын тәмамдайтын талапкерлермен кездесу қызықты да мазмұнды өтті. Біз балаларды біздің колледждің қабырғасында көруге үміттенеміз. Біздің колледжге оқуға келіңіз, өкінбейсіз!