Екібастұз тау- кен техникалық колледжінде «Тіл- тәуелсіздік тірегі» және «Наурыз» мерекесі тақырыбында 09.03.- 18.03 16. аралығында қазақ тілі мен әдебиеті апталығы өткізілді. Апталық шеңберіне Наурыз мейрамын тойлау жоспары да енгізілді. 2016ж. 09.03.күні колледждің таңғы жиынында 1 курс студенті Алишев Қуаныш, 3 курс студенті Жетпісбаева Ания, қазақ тілі оқытушысы Жақыбай Ә.М. апталықтың ашылу рәсімін жасады.
2016ж. 10.03. күні «Токарь» мамандығы бойынша оқитын №11 топта қазақ әдебиетінен «Абайдың табиғат лирикасы» тақырыбында ашық сабақ өткізілді. Сабаққа қатысушы оқытушылар, колледж әдіскері Р. Жұмабекова сабақты талдап, өз пікірлерін ортаға салды.
«Наурыз», «Мемлекеттік тіл» тақырыбына берілген қабырға газеттері конкурсына №99, №1, №8, №9, №10,№11, №12 топ қатысты.
2016ж. 16.03.күні колледжде «Аққудың қанатында жазылған жыр» атты М. Мақатев оқулары өтті. Айтылмыш оқуларға 21 студент қатысты. Әділ қазылардың шешімі бойынша бас жүлдені 3 курс студенті қалалық,облыстық конкурстардың лауреаты Жетпісбаева Ания ие болды. Ания өлеңді нақышына келтіре, әуезді, сазды орындай білді, 1- орынды №11 топ студенті Алишев Қуаныш, 3-орынды №9 топ студенті Абраев Ерғанат алды. Басқа қатысушыларға «Сырлы әуен», «Аққу жыры», «Жалынды ұшқын», «Жас талап», «Өрлеу» номинациялары берілді.
2016 жылдың 17.03 күні «Жігіт сұлтаны» сайысы ұйымдастырылды. Сайысқа №8 топтан Оспанов Еламан, №9 топтан Тұрсынбай Еркінбай, № 10 топтан Бакитов Мирхат, №11 топтан Социал Нұржан, №12 топтан Тоқтар Алмаз қатысты. Бұл сайысқа 1 курс студенттері толық қатысты. Студенттер сайыстың шартымен екі апта бұрын танысып, дайындалып келгендері сахнада айқын көрінді. Әр жігіт өз тапсырмасын қызықты орындай білді, сахнада актерлік шеберліктерін еркін таныта білді. «Жігіт сұлтаны» сайысы студенттерді елжандылыққа, отансүйгіштікке тәрбиелейтін іс-шара ретінде жоғары деңгейде жүзеге асырылды. «Жігіт сұлтаны» байқауының жеңімпазы №11 топ студенті Социал Нұржан атанды. 
Марапаттау:
- Бас жүлде – «Жігіт сұлтаны»
- «Дарынды жігіт»
- «Сегіз сырлы, бір сырлы»
- «Өнерпаз жігіт»
- «Қазақтың сері жігіті»
2016 ж. 18.03. күні «Төрлет, әз Наурыз!» атты колледжішілік мерекелік іс-шара өткізілді.
Мерекелік іс-шара сайыс бағдарламасы бойынша ұйымдастырылды. Әр топ өз кабинеттерін батырдың атымен атап, безендірді. Әділ қазылардың әділетті шешімдері бойынша бас жүлдені «Тігінші» мамандығы №99 топ (86 ұпай), 1-орынды «Токарь» мамандығы №11 топ (86 ұпай), 2-орынды «Электровоз машинисінің көмекшісі» мамандығы №9 топ (80 ұпай) және «Электргазбендәнекерлеуші» № 12 топ (79 ұпай), 3-орынды «Экскаватор машинисі» мамандығының №1 тобы иеленді. №8 және № 10 топқа «Наурыз салтанаты», «Алтын асық» номинациялары берілді. Жүлделі топтарға грамотамен қатар шағын ақшалай сыйлық берілді. Биылғы Наурыз мерекесіне колледж студенттері белсенді қатысты. Әр топ берілген батыр туралы мәлімет іздеп, зерттеу жұмыстарын жүргізді. Әрине жіберілген олқылықтар болды, 3 курс студенттері тәжірибелік пен НоК –ты сылтау етіп, апталыққа да мүлдем ат салысқан жоқ.
Елбасымыз Н.Назарбаев айтқандай «Бірлігіміз жарасқан» ұжым болу мақсатында ел бірлігін жұмылы көтергеніміз жөн, сонда ғана білім мен тәрбие қатарласып, нәтиже шығады.
