2016 жылғы  29 тамыздан  30 қыркүйекке дейінгі аралықта колледжде «Тіл – Тәуелсіздік тірегі» Қазақстан халықтарының тілдер айлығы өткізілді. Айлықтың жоспары түрлі іс-шаралармен толықты.

2016 жылғы  05 қыркүйекте айлықтың ашылуына байланысты салтанатты жиын өтті. Бұл жиында тілдер пәндерінің оқытушылары студенттердің алдында үш тілде сөз сөйледі. Барлығы да айлықты өткізу жөніндегі

іс-шаралар жоспарымен таныстырылды.

2016 жылғы 12-16 қыркүйек аралығында  1 және 2 курс арасында  «Тіл-достық көпірі» тақырыбында қабырға газеттерінің конкурсы өткізілді. Студенттердің шығармашылық  жұмыстары мазмұнды, эстетикалық талғаммен боялған, талапқа сай үштілділік сақталынып  безендірілген.

 2016 жылғы 22 қыркүйекте 1курс студенттері арасында

«Менің алғашқы жұлдызым» атты көңілді тапқырлар клубы өтті. Мұнда бірінші курстың студенттері музыкалық  әндер мен билер, көріністер көрсетіп, керемет әзілдерімен тамаша көңіл-күй сыйлап, көрермендерге әдемі әсер қалдырды. 30 қыркүйекте акт залында біздің колледждің еңбек ардагерлерін, зейнеткерлерін шақыра отырып «Бірлігіміз жарасқан» гала-концерт болды. Студенттер Қазақстанда тұратын барлық ұлт өкілдерінің әндерін, халық билерін тынбай орындады.  

   Айлықтың қорытындысы бойынша үшінші курстың бетке ұстар озат студенті Амангельдинов Асхаттың облыстық Оралхан Бөкей оқуларына қатысып бірінші орынға ие болғанын атап өтуге болады, жетекшісі: қазақ әдебиеті пәнінің оқытушысы Р.А.Жумабекова. Айлық аяқталды. Бірақ алда әлі тілдер пәндерінен өткізілетін іс-шаралар, конкурстар,олимпиадалар аз емес.

   Алдағы болатын іс-шараларға  белсене қатысамыз және жеңеміздеген сенімдеміз!