2016 жылы  18 қарашада Екібастұз қаласының «Атамұра» мәдениет орталығында ҚР Тәуелсіздігінің 25 жылдығына орай «Оралхан Бөкей атындағы көркемсөз оқу шеберлерінің қалалық байқауы өткізілді. Бұл байқауға біздің колледжден «Электровоз машинисінің көмекшісі» мамандығы бойынша 3-курс, 2-топ студенті Мейрамбек Тілеген қатысып 2-орынға ие болды, қалалық мәдениет және тілдерді дамыту бөлімінің  дипломымен және ақшалай сыйақымен марапатталды (Оқытушысы:Р.А.Жумабекова).

  Колледж әкімшілігі мен студенттерінің атынан  Тілегенді жеңісімен құттықтаймыз, келешекте шығармашылық шыңдарына жете беріп, әрдайым биіктен көріне беруіне тілектеспіз.