2024 жылғы 5 желтоқсанда Қ. Пішенбаев атындағы Екібастұз тау – кен техникалық колледжі кітапханасында «Оқуға құштар колледж» жобасы аясында №72 топ студенттерімен қазақ жазушысы Әбіш Кекілбаевтың туғанына 85 жыл толуына орай «Даланың ойшыл философы» атты әдеби сағат өткізілді.
Студенттер «Әбіш Кекілбаев» бейнеролигінен және кітапханашының өмірі мен шығармашылығы туралы әңгімесінен жазушы туралы көптеген ақпаратты білді. Жазушының романдары мен әңгімелерінің негізінде тарихи оқиғалар, халық ертегілері мен аңыздар жатыр. Содан кейін Әбіш Кекілбаевтың «Аңыздың ақыры» романы талқыланды, оның сюжеті Темірлан билігі кезіндегі тарихи аңызға негізделген.