2016 жылдың 19 қаңтарында Павлодар облысының білім беру басқармасының ұйымдастыруымен Павлодар бизнес колледжінде «Ағартушылық эстафета» атты мектеп-фестивалі өтті. Бұл мектеп-фестивалі бүгінгі күннің жас маманы мен тәлімгерлеріне үлкен көмек берді деген ойдамыз. Жас мамандарға арнап тәжірибелі оқытушылар шеберлік класстар өткізді. Біздің Қ. Пішенбаев атындағы Екібастұз тау-кен техникалық колледжінен арнайы технология пәнінің оқытушысы Батырханова Л.С. «Сабаққа қатысушылардың белсенді рөлі арқылы дағды мен білім беруді тиімді ұйымдастыру» тақырыбында шеберлік-класын өткізді. Оқу-әдістемелік құралдар көрмесіне арнайы пәндер оқытушысы Сарсенбаева Д.Н. мен өндірістік оқыту шебері Абетова Г.П. қатысып, өздерінің токарлық іс және дәнекерлеу ісі жөнінде сандық білім беру ресурстарын көрсетті. Биылғы жылы колледжімізге келген қазақ тілі мен әдебиеті пәнінің оқытушысы Жақыбай Ә.М. мен өндірістік оқыту шебері Жаябаева Г.А. бұл мектеп-фестиваліне «жас маман» болып шеберлік кластарына қатысты. «Ағартушылық эстафета» мектеп-фестиваліне колледжіміздің атынан қатысқан оқытушыларымыз алғыс хаттармен және жас мамандарымыз шеберлік кластарына қатысқандары үшін сертификат алды.