2015 жылы 21-22 мамыр аралығында Алматы қаласында ҚР БҒМ, жоғары білім берудің ТжКББ жүйесі, «Келешек 2030» баспасы» ЖШС, «Ақпараттандыру ұлттық орталығы» АҚ, Беларусь Республикасының білім беру мекемелері  өкілдерінің қатысуымен техникалық және кәсіптік білім берудің арнайы пәндері бойынша оқу әдебиеттері мен оқу-әдістемелік құралдарын әзірлеу мен мақұлдау қорытындысы жөнінде республикалық семинар өткізілді. Семинарға жүзден аса адам қатысты. 20 баяндама мен сөз сөйлеулері тыңдалды және талқыланды; оның ішінде 15-і- оқытушылардың  баяндамалары.

Семинардың қатысушыларымен  ТжКББ-ді  оқу әдебиеттерімен қамтамасыз ету мәселелері қарастырылды, мақұлдаудың жалпы қорытындысы жасалды, жеке оқулықтар мен оқу құралдарының талдаулары тыңдалды. Семинардың соңында қатысушыларға сертификаттар берілді.